19‏/5‏/2010

مزبوط!!

شو قلتلكو؟؟
مزبوط، أبو السحالي عملها!! وزُبِط َ هناك - فهو مزبوط!
أبو السحالي والمنتفعين زاروا على الاقل واحد من ضاربي الحجارة المعتقلين!!

وماذا كانت كلماتهم له؟
أتخيله يقول:
الحمدلله على طلوعك بالسلامة من الحبس. الحمدلله على عدم تمديد اعتقالك، يعني لو اعتقلوك أكثر كان مشكلة، لأن البوليس بكون عندو نية انو يحاكمك. بس طبعاً ممنوع البوليس يحاكمك، وممنوع البوليس يحاكم أي واحد ضرب حجار... هيك كان على زمان حكمنا العادل! ممنوع أي واحد يتحاكم، خصوصاً اذا كان يصوتلنا. ما هو أنا ياما متصل ومتدخل عشان كل المشكلجيي يطلعو من بيت خالتهن... يا هيك الرئيس يا بلاش!! ممنوع ولا ضارب حجارة يعتقل!! هيك بنبني مجتمع صحي ومسالم في عيلبون! اللي بضرب وبكسر لازم أنا، أبو السحالي، أطلعو براءة!
ولكو يا عمي هيك علمني أبو زياد من لما كنت ولد زغير بالسياسة. المفكر الكبير أبو زياد أعطاني كل هاي الأفكار، وفرجاني طريق الصواب الى الكرسي.
مثلا ً، قال لي المفكر أعلاه: فرق تسد! فرق بين أبناء البلد تسيطر عليهم! ليش الانجليز غلطو لما استعملو هاي الطريقة الجهنمية؟؟
مش بس فرق، حرض كمان! وخصوصاً ضد كل عدو لك! ابن بلد، مش ابن بلد، هذا كله مش مهم، المهم نصل الى الكرسي المفقود، وطز بوحدة البلد. المهم تكون رئيس!
وأبو زيد ، تلميذي المخلص(في ذلك الوقت)، حاول استعمال نفس الطرق. كنو ماخذلو أكم كورس عند الفيلسوف من ورا ظهري...
من ورا ظهري يا أبو زيد؟؟ بعدين منحكي!
أوف، أخذني الحكي لمشاكل ثانية. لكن، المهم يا أخوي انك طلعت من السجن، وكمان مهم تعرف اني أنا، وهاي الجماعة اللي عندك اليوم ، رح ندافع عنك لأنك ضربت حجارة (وبتصوتلنا كمان).
لتعرف كل عيلبون أن هذه الحـِكم مأخوذة من أفواه ... أبو زياد (ليش شو فكرتو؟)

كلنا معاً نقول لأبو السحالي ومجموعة المنتفعين: ولكو ليش هيك ؟ ليش بتشجعو الغلط؟ يكفي عيلبون مشاكلها.
ولكو ليش هيك؟

- يتبع....