لقد حصل هذا الموقع على فحوى الشكوى ضده في الشرطة، واليكم النص الكامل:
--
المكان: محطة الشرطة - طبريا
الزمان: 22.03.2011
كاتب الشكوى: الضابط موشي.
المشتكي: منتفع من عيلبون (الاسم محفوظ).
فحوى الشكوى:
المنتفع: يا حضرة الزابط موشي. أنا جاي أتشكالك عن موقع في الانترنت. الموقع اسمو ليش هيك، وصرلو حوالي سنة كاملة بيكتب كلمات صعبة. مرات بفهمها ومرات لأ.
الزابط: كلمات مثل شو؟
المنتفع: يعني سماني منتفع، وحرض ضدي بالبلد.
الزابط: شو كتب؟ يعني طلب من الناس يضربوك؟
المنتفع: يعني مش هيك بالزبط. هو ولا مرة طلب الضرب، بس أكيد بدو الضرب.
الزابط: كيف يعني؟ مش فاهم عليك؟
المنتفع: يعني ليش تنو ينتقدني؟ شو عملت أنا ؟ وهياتها سيارة احترقت بالبلد.
الزابط: طيب؟ شو علاقة الموقع بالحرق؟ هل حرض الموقع على العنف؟
المنتفع: مش على علمي... بس أبو السحالي بقول انو صاحب الموقع مسؤول. واذا أبو السحالي بقول هيك، لازم نصدقو מייד! هيك تعودنا من زمان.
الزابط: بس يا أخي ها هو الموقع أمامي. مكتوب به 8 مرات أن العنف غير مقبول في جميع الحالات.
المنتفع: خلص ما تصعبهاش علي. قلتلك - لما بيحكي أبو السحالي، كلامو مقدس وفوق المنطق عند جماعتنا.
الزابط: ولو! شو كنو زلمي كبير كثير ؟
المنتفع: لكان؟ وبعدين واصل! ومش راح أنسالو الفضل انو خلاني أصير منتفع.
الزابط: يعني صحابو كثار؟
المنتفع: خلص، قلتلك الزلمي واصل ויש לו קשרים، وفهمك كفاي.
الزابط: بس لازم يكون دليل على أن الموقع يسبب المشاكل في البلد.
المنتفع: أكيد. עובדה انو في المنشور الاخير كتبو فيه أنهن سوف يكسرون الايادي وسوف يحرقون البلد. هاي مش مشاكل بالبلد؟ هاي مش تحريض؟ עובדה ولا مش עובדה ؟
الزابط: بس أنا كمان مرة مش فاهم، مين اللي كتب انو بدو يكسر الايادي بالبلد؟
المنتفع: منشور لجماعتنا..
الزابط: طيب، معناه تفضل معاي على التحقيق، بتهمة التحريض لاستعمال العنف! عشان نعرف بالاول مين كتب منشور "تكسير الايادي".
ختمت الجلسة.