نظريات تحريضية تعودنا عليها

ولا زال مصرا على زرع الحقد والكراهية والاستعلاء على غيره

ولا زال مصرا على تحرير عيلبون من اهلها (الفلول = زعران بالمصري)

هذا المقطع المثير للاشمئزاز من خطابه يوم امس:

ولا زال مصرا على النظرية الاستعلائية:

وهذا المقطع نتركه من دون تعليق، لأنه هجوم غير مسبوق على كتلة الجذور:

 

وكما يبدو، فهذه المرة ينتقل المنظر من دور مرسي الى دور السيد المسيح، ويقول لأكرم انت بطرس الرسول.

قمة التعالي. قمة المسخرة.

بعد كلو هاذا، قررتو لمين تصوتو؟

 

تحرير عيلبون

السحيجة

مع اقتراب الجولة الانتخابية الى نهايتها، تزداد هذه الايام محاولات الوزير لتغيير مسار الامور، ورأينا انه من المناسب تسليط الضوء على بعض هذه الطرق:

1)      طبعا، الطريقة الاولى هي التضليل والتحريض. وفقا لمصادر موثوق منها، يقوم الوزير وابو السحالي هذه الايام بمحاولات تحريض عنصري ضد خصومهم السياسيين. وانتم تعرفون طريقة التحريض هذه، واين يتم بثها. للأسف، لا زال الوزير يلعب بنار العنصرية الحقيرة لتقسيم البلد طائفيا وبالخفية.

وبعدين معاك يا زلمي؟ حلنا عاد من هالعادة. اكبر عاد.

جواب ليش هيك: كلنا ولاد هاي البلد، ولا تخلو الوزير يلعب بروسكو.

2)      بالنسبة لفيديو الصعايدة – هذا فيديو تهكمي ساخر، أضحك اهل القرية على اثر نقل ميدان التحرير الى عيلبون، ومعه انتقل الكثير من الصعايدة من مصر. الظاهر ان البعض انضغط من مشاهدته (ومن فيديو حنا ومرسي) لأنه لا يفهم روح النكتة. ماخذ الامور بجدية. 
     فمن شاهد الفيديو بامعان، يرى ان الصعايدة هؤلاء كلهم مع ابو الجورج في المعركة الانتخابية، ولا يقصد بهم الجبهويون ابدا.

طبعا الفيديو لا يقصد أي مواطن من عيلبون، و الذين يبثون تفسيراتهم التحريضية على انواعها، على أمل النيل ببعض المكاسب الانتخابية، لهم الاجابة التالية: 

 روحو اشربو من بحر غزة.

3)      توزيع القروض: علم موقع ليش هيك من مصادر موثوقة ان مجموعة من ابناء هذه القرية ستقوم بالتوجه بشكوى الى ادارة البنك والشرطة في قضية تسهيل معاملات لقروض مالية، يقوم بالترتيب لها الوزير وأشرف البنك. كما يبدو، يقوم أشرف بمنح الكثيرين من المواطنين في القرية قروضات مالية "على السريع"، وبشكل لا يتماشى مع المعتاد. بالمعنى، ستقوم ادارة البنك بفحص اسماء كل من حصل على قروض بنكية خلال الاسابيع القليلة الماضية.

جوابنا فقط: يا حيف يا أشرف، يا حيف.

4)      المصفقون (بالدارج: السحيجة): يقوم بعض الجبهويون هذه الايام باتهامات غريبة عجيبة. فمثلا، وصلت موقع ليش هيك هذه الصورة لتعليق مثير للاشمئزاز، وحسب كاتبها فان ابو الجورج يعمل بالشاباك. الى أين وصلنا يا ترى؟

اذا كان القائد الكبير ينادي بتحرير عيلبون، حتما سيكتب المصفقون له هذه العبارات. هذا ما يسمى انهيار اخلاقي.

                     (اضغط/ي على الصورة لتكبيرها)

اليكم صورة اخرى لمصفق اخر، يؤيد تحرير عيلبون من الاستعمار، ويؤيد "النصر على كل حاقد وحاسد وكاره لعيلبون":

وهذا المصفق المشلطف على طول، في صورة تاريخية مهمة جدا جدا جدا، قبل ان نشعر بالهزة الارضية ("9.6 حسب سلم ريختر") ويتم الاعلان عن حل حزب ميرتس اليوم:

 "מרצ" במועצה ובגדול? 

عنجد؟

مرة اخرى، تذكروا خطابات ابو السحالي حول وجود طبقات في عيلبون  (للمرة العاشرة نكتبها هنا )، وان الطبقة الجبهوية هي الافضل دائما، وأن في عيلبون التقسيم هو "جبهة" و "انتي-جبهة". هل تذكرون؟ طبعا تذكرون. وبما ان كتلة الجذور قد "خربطتلو" هذه النظرية الاستعلائية، كونهم جبهويون على الصعيد القطري، وابناء عيلبون الحقيقيين على الصعيد المحلي، يقوم المصفقون والمكررون لخطابات ابي السحالي بتكرار ما يقوله من دون تفكير أو نقد أساسي. فبالاضافة الى تأييد السيد ماهر بتحرير عيلبون أعلاه، يقوم مصفق اخر بمهاجمة كتلة الجذور، هذه الكتلة الشريفة النظيفة التي اثبتت صدق مبادئها خلال الخمس سنين الماضية. اليكم ما كتب:

لاحظوا جملة: "ما انتو بتعرفو قديش بتجمعنا اشياء بكثير اكثر من ايش بجمعكو مع هداك الطرف" وهذه الجملة الاستعلائية الاخيرة: "بكل الاحوال .. سمو حالكو شو بدكو بس تسموش حالكو جذور الحزب .. لأنو شو ما كانت الاسباب فش ولا أي مبرر بخليك تترك جبهتك وتصف مع ناس اللي طول عمرها معادية فكريا الك ولجبهتك.. مش هيك الرفاق بتصرفو ولا هيك علمنا الحزب يا رفاق".

جواب ليش هيك: اسمع يا رفيق، واسمعها منيح منيح يا رفيق. في مبرر اسمو "مصلحة البلد"، بعرفش اذا سمعت عنو، شكلك مش سامع عنو يا رفيق... بس موجود يا رفيق. صدقنا موجود. دور عليه بتلاقيه يا رفيق. بس عشان تلاقيه يا رفيق لازم تعتبر حالك بالاول ابن عيلبون، ومش ابن حزب معين وبس. يعني هويتك لازم تكون ابن عيلبون اولا (في الانتخابات المحلية) وابن حزب ثانيا (في انتخابات الكنيست).

 لأنو "هذاك الطرف" هني اهل بلدك. بلاش تخربط احسنلك. فهمت يا رفيق؟

 والله يرحمك يا قذافي. شكلها جملتك حول التعصب الحزبي الاعمى مزبوطة مية بالمية.

سؤالنا الاخير لكل المصفقين: ليش هيك؟ 

خطاب تحرير عيلبون

لم يبقى احد الا وسمع الخطاب الديماغوغي يوم السبت.

خطاب تحرير عيلبون (قصده كان: اعادة فتح وتحرير الحنفيات على مجموعة المنتفعين)، خطاب الحرية (قصده: حرية الفساد ومص دم المال العام)، وخطاب "اللي معنا بربح" (قصدو: وعود كاذبة بالوظائف).

اللي معنا بربح؟؟ لأي مستوى حكي ممكن بعد أن نصل؟

على كل حال، بهذه المناسبة، اكتشف موقع ليش هيك الخطاب الاصلي الذي استوحي منه خطاب تحرير عيلبون. نعم نعم، هنالك خطاب لشخص مصري معروف جدا، أُخـِذَ منه كل خطاب التحرير.

اليكم المقارنة، وصدقو أو لا تصدقوا، لكن التشابه كبير جدا !!!

لا تحزني يا عيلبون، فنحن من بطون امهاتنا ولدنا وعشنا أحرارا

بِعرِف؟ بِعرِفش؟ بِعرِف؟ بِعرِفش؟ .... طبعا بِعرِفْ.

وزير المقاطعات: "انا بمثل الجبهة في عيلبون، وجريس مطر بعرّف عن حالو .... انا بعرفش مين بمثل"  (انتبهو لكلمة "بعرفش".)

جريس مطر: "انا بمثل كل عيلبون، وبعمل من أجل مصلحة عيلبون"

وزير المقاطعات: "انت تمثل بعض العائلات في عيلبون حسب رأيي" (اسا صار يعرف الزلمي... لكان؟ طبعا بعرف، ועוד איך!).

يعني مجتمع صغير كثير مثل عيلبون من ايش مبني؟ من عائلات طبعا.

الهدف الذي يريده ويهدف اليه الوزير بتهمة "انت تمثل بعض العائلات" هو الصاق تهمة التصويت حسب اسم العائلة فقط. أي ان الاشخاص المنتمين لهذه العائلات سوف يصوتون لابو الجورج حسب انتمائهم لهذه المجموعة المسماة "عائلة".

 هذه هي التهمة بشكل مبسط جدا، ويدعي الوزير ان التصويت وفق اسم العائلة هو شيء سلبي جدا جدا ، ولذلك علينا دائما ودوما وأبدا ان نتبع اوامر الحزب القطري (مثل الجبهة) في تصويتنا للمجلس المحلي.

يعني الوزير بدو يلمح، بس مش مسترجي يقولها، انو كل الكتل السياسية في عيلبون مبنية على اساس عائلي، ما عدا الجبهة ... وانو كل واحد مش جبهوي بفهمش شو الصح وشو الغلط، لأنو بس طبقة المجتمع الجبهوية هي الطبقة اللي فوق الكل.

بذكرنا بحكيات هالواحد قبل انتخابات الكنيست بيومين ("أحنا الافضل… واحنا متغيرناش من سنة ال 48" ...الخ الخ).

اليكم التناقض الواضح مثل عين الشمس، والتلاعب بالكلام وبالنهاية هو ازدواجية في الموقف:

اذا كان "اسم العائلة" كوصف للتصرف الانتخابي سلبيا لهذه الدرجة، وانت ترفضه، لا بل تتهم غيرك به، لماذا اذا يا وزير ويا أبو السعيد لا زلتم تتنقلون من بيت الى بيت من بيوت عائلتكم المحترمة، وتحاولون التهديد والضغط بشتى الطرق عليهم حتى يصوتون لابن العائلة (اللي هو انت يا وزير، اذا مش فاهم)؟

أي نوع من الازدواجية هذا؟

وأين حقيقة تمثيلك للجبهة في عيلبون حين تتحدث اليهم. يعني: هل تتحدث الى ابناء عائلتك (حين تضغط عليهم) كممثل للجبهة أم كشخص يشاركهم الاسم العائلي فقط؟

الجواب واضح. لا بل أكثر من ذلك. هذه كانت استراتيجيتك الناجحة في الحصول على منصب مرشح الجبهة للرئاسة: فكنت تقولها للجميع "انا بوحد كل عيلتي، وكل واحد من عيلتي صوت لأبو الجورج بجبرو يصوتلي غصبن عنو". 


واذا الجبهة وافقت عليك بس عشان "اجا دوركو"...

هذا الحكي ايش اسمو لكان؟

عشان هيك، حلو عن ربنا بقصة انو أبو الجورج "يمثل بضع عائلات فقط في عيلبون".

لأنو الصراحة، عم بتهينو ولاد بلدكو بهذا الاستعلاء والعنجهية. أولا عم بتهينو ولاد عيلتكو، وعم بتهينو عدة عائلات ثانية بتصوت جبهة… مثلا  دار سويد كلهن. عيب يعني، الجماعة واضحين ومحترمين ومبينين مع مين، ومن أكثر العائلات وفاء للجبهة من يوم يومها. حرام هاي الاهانات لألهن ولغيرهن.

ف… حلونا من هالقصة وهالنظريات اللي خالص تاريخها.

وقلنالكو شو القذافي المضروب مرا قال بالنسبة للتبعية الحزبية. لأنو بهاي الايام شكلو بنطبق المثل: "خذوا الحكم من افواه المجانين" ...

 

لماذا لم تفتتح المدرسة؟

كتب موقع ليش هيك قبل شهرين عن العلاقة الحميمة بين وزير المقاطعات/التوظيفات والمدير الليكودنيك، وان الوزير قد قام بمساعدة الليكودنيك بالفوز بما يسمى "مناقصة نزيهة"... كلنا نعرف مدى نزاهتها. 
واحد شب صرلو اربع خمس سنين معلم، وبدون تجربة ادارية، بغلب 3 مدرا مدارس .... يا سبحان الله على نزاهة هالمناقصة.

بالرغم من ذلك، الكثير من الجبهويين قاموا بانكار هذه الحقيقة التي يعرفها 90% من أهل القرية.

الان، وبعد ان سمعنا المناورة على الراديو، توضحت لنا هذه النقطة بصورة افضل. فمنذ بداية الحوار، قام الوزير بمهاجمة ابو الجورج لأنه لم يفتتح المدرسة في بداية السنة الدراسية. برأيكم، ما الذي ازعجه لهذه الدرجة حتى يقوم بذكر الموضوع 3 مرات خلال الحوار؟ لماذا يتكلم الوزير بهذا الغضب العارم؟ فقط لأنها لم تفتتح في بداية السنة الدراسية أو لأن صديقه الليكودنيك لم يستلم التعيين فاصابته الدهشة العارمة ايضا؟ 

نعتقد ان الجواب واضح وكبير مثل كبر عمارة المدرسة الجديدة (هذا اذا استطعت اخي القارئ ان تراها...لأنها "تخطيطات وتخطيطات وتخطيطات وعلى ارض الواقع لا نرى شيئا").

لكي نثبت لكم مدى غضب الوزير لأن صديقه الليكودنيك لم يستلم المدرسة في بداية السنة الدراسية، قام قسم التكنلوجيا في موقع "ليش هيك" بتلخيص ما قاله الوزير حول ذلك:

سؤال اخير للوزير: بما انك بتحب الليكودنيك هلقد، ومحروق عليه ليش مفتش على الوظيفة، ليش بتخبيه عندك على البرندة لما توزعو مناشيركو؟ ليش كنك مستحي فيو اشي؟ 
منتحداك نشوفك معو مرة بالشارع بالبلد. من ايش خايف؟

يعني باختصار: ليش هيك؟ فهّمنا من شان الله تفهّمنا، ليش هيك؟


 
ترقبوا المزيد من التحليل ....

يا جدع

وصلنا هذا الفيديو اللاذع، شاهدوا واستمتعوا:

المقابلة الكاملة يمكن الحصول عليها هنا

فيلم على الراديو

شكرا لك يا وزير المقاطعات على الفيلم الخيالي الذي سمعناه  على الراديو اليوم... وعلى المعلومات القيمة التي تستحق النشر والتعليق.

عنجد فيلم على الراديو.

اذا ترقب اخي المواطن اجمل التعليقات على ما حدث.

ليكودنيك مسؤول عن تعليم اولادنا

أعزاءنا أبناء هذه البلدة الطيبين:

دعونا نبارك للفحل الكبير "وزير الوعودات/المقاطعات" بمساعدته الخفية على تعيين المدير الجديد "الليكودنيك"

هنيئا لك يا وزير بهذا الليكودنيك

وهنيئا لك يا أبا السحالي بهذا الليكودنيك يا ليكودنيك

فانتم الاثنين كنتم من أول المباركين لليكودنيك، من قبل ومن بعد تعيينه مديرا لاولاد عيلبون، هؤلاء الاولاد من تتاجرون بهم اليوم لاجل الجلوس على الكرسي المفقود. 

وهنيئا لمن لا زال يعتبر نفسه من جماعة المنتفعين ويلعب ألعابهم القذرة، فلقد اقتربت احلامكم بالسيطرة مجددا على امور القرية الى الانتهاء ...

هنيئا لكم بهذا الانتصار المؤقت،

لكنكم ستخسرون حربكم ضد كل ما هو جميل ونظيف، وضد كل وفاق ووحدة في القرية،

حربكم التجارية هذه ضد الصدق وضد التعاون المشترك سوف ترمى الى مزبلة التاريخ، وسوف ينتصر أهل القرية عليكم!

لأن عيلبون ستقول لكم منذ اليوم: بكفي زعرنات! 

اسمعوها كمان مرة: بكفي زعرنات، فلقد طفح الكيل!

يتبع .... وسوف يتبع....

وظائف ... وأحلام .... بالمئات

مواطن: انا بدور على شغل.

وزير المقاطعات/الوعودات: شو المشكلة؟ بس أربح الرئاسة واقعد على الكرسي بشغلك. بس صوتلي.

مواطن: يعني اكيد؟

وزير الوعودات: شو أكيد هاي؟ 200%

مواطن: بس يا زلمي هيك بتوعدني بدون ما تعرف شو بدي وشو معاي شهادات او انا عارف... دورات؟

وزير الوعودات: خلص ما تعقدش الموضوع. الעסקה هويني: صوتلي وانا بشغلك. يعني تسألش كثير. بدك تشتغل بالرياضة بشغلك، بالمدرسة الجديدة؟ فش مشكلة. بالجباية؟ شحو. بالמעון יום الجديد بأبو هبر؟ אין בעיה... انت اطلب واتمنى.

مواطن : اوف اذا هيك الحكي خليني اقول لقرايبي. شكرا. صوتي الك مضمون يا وزير التوظيفات (بقول لنفسه: ما أجمل الحياة مع هاي الاحلام....).

----

ابن اخت المواطن: مرحبا يا وزير التوظيفات. سمعنا انو الصوت بوظيفة عندك هالايام؟

وزير الوعودات: مزبوط. انتي صوتلي وانا بوظفك.

ابن اخت المواطن: هيك خبط لزق؟

وزير الوعودات: مثل ما انتي سامع. 200%.

ابن اخت المواطن: لكان احجزلي عندك شغلة المستشار القانوني لابن عمي، وانا الي بدي مدير اشي.

وزير الوعودات: مدير اشي ؟شو قصدك؟

ابن اخت المواطن: انا بدي مدير قسم، مدير مدرسة، مدير شحار. بفرقش معي. أقل من مدير بقبلش. بتوظفني ولا لأ ؟

وزير الوعودات: عمهلك تزعلش، كل شي ولا زعلك خيا. الك تصير مدير. صوتلي بتصير مدير.

ابن اخت المواطن: طيب منيح. بكرا ببعثلك ابن عمي عشان يسكر معاك.

----

ابن عم ابن اخت المواطن: شو يا؟ سمعنا هون بوزعو وظايف؟ جاي اسكر معاك على المستشار القانوني مقابل 3 صوات.

وزير الوعودات: مبروكي عليك.

ابن عم ابن اخت المواطن: ولو؟ بهاي السرعة؟

وزير الوعودات: كلمتي كلمي. 200%. معروف عني اني صادق، بكذبش، وادمي. اه ادمي، مع انو يمكن تسمع بالشارع اشي ثاني. تردش، انا ادمي.

ابن عم ابن اخت المواطن: طيب طيب، انا شو بفرق معي اذا ادمي ولا اشي ثاني. المهم ال עסקה  تتنفذ. دير بالك.بعدين اللي بتعملو انتي اسا اسمو رشوة انتخابية، وبحبسك اذا بتلعب بذيلك وبتوعد الزوزو ولا المحامي الثاني المشلطف.

وزير الوعودات (عم برج من الخوف): قلتلك مبروكي. و 200% كمان مرة. بس خليها بيناتنا، انا بخاف من الحبس.

ابن عم ابن اخت المواطن: طيب، اذا عندك كل هالوظايف، بكرا ببعثلك صاحبي. عم بدور على شغل.

----

صاحب ابن عم ابن اخت المواطن(بعدو بصف 11 بس بصوت): كيفك عمووو؟

وزير الوعودات: اهلين عمو. بدك بوزة؟ ولا اشي ثاني؟

صاحب ابن عم ابن اخت المواطن: انا بعثني المحامي اللي وظفتو امبارح. بدي اتوظف صياد رقاطي.

وزير الوعودات: ولا يهمك، مبروكي عليك الوظيفة. 200%.

صاحب ابن عم ابن اخت المواطن: شكرا عموووو. في كمان ولاد صفي بدهن يشتغلو عمووو.

وزير الوعودات: فش مشكلة عمووو. واذا بدك بوزة أو ساندويش ، بعطيك كمان عمووو.

----

ولاد صف صاحب ابن عم ابن اخت المواطن (37 واحد): ازيك يا معلم.

وزير الوعودات: ها شو السيرة؟ في مظاهرة اشي؟ هياني بس البس الشحويطة وبلحقكو على المفرق عند مخبز عبدو.

ولاد صف صاحب ابن عم ابن اخت المواطن: لأ لأ، احنا منصوت وبدنا شغل. سمعنا انو هيك بدها تصير طريقة الادارة... على اساس عيلبون "بأيدي أمينة".

وزير الوعودات: ولا يهمكو؟ انتو اكم صوت؟ 37؟ ... خلص، بطلعلكو 63 وظيفة ...200% (بس حلو عني).

ولاد صف صاحب ابن عم ابن اخت المواطن: (مكييفين لأنهن سوجرو مستقبلهن ومستقبل بلدهن) الوزير الوزير الوزير!!

----

وهكذا اخي المواطن، بعد ان كان وزير الوعودات "يسكر" على وظيفة مقابل 30 صوت في بداية حملته الانتخابية، صار اليوم يوزع الوظائف بالمئات. حتى ان بعض الناس توقفت عن الذهاب للتأمين الوطني، وبدأت بالذهاب الى برندة وزير الوعودات، ليعيشوا بحلم الوظيفة عندما يجلس الوزير على الكرسي.

فكل من يريد ان يعيش هذا الحلم الرائع الجميل، "المسوجر" (لمدة 3 اشهر)، عليه الذهاب الى البرندة، فمن هناك يمكنه ان يرى ايضا... القمر.

وخبز وحشيش وقمر....

عندما يولد في الشرق القمر.. 
فالسطوح البيض تغفو 
تحت أكداس الزهر.. 
يترك الناس الحوانيت و يمضون زمر 
لملاقاة القمر.. 
يحملون الخبز.. و الحاكي..إلى رأس الجبال 
و معدات الخدر.. 
و يبيعون..و يشرون..خيال 
و صور.. 
و يموتون إذا عاش القمر.. 
*** 

أي ضعفً و انحلال.. 
يتولانا إذا الضوء تدفق 
فالسجاجيد.. و آلاف السلال.. 
و قداح الشاي .. و الأطفال..تحتل التلال 
في بلادي 
حيث يبكي الساذجون 
و يعيشون على الضوء الذي لا يبصرون.. 
في بلادي 
حيث يحيا الناس من دون عيون.. 
حيث يبكي الساذجون.. 
و يصلون.. 
و يزنون.. 
و يحيون اتكال.. 
منذ أن كانوا يعيشون اتكال 
 ..

مين الهربان بالزبط؟

اليوم ولعت بالكنيست.  

ولعوها كل الاعضاء العرب. صيحو، عبرو عن غضبهن، ومع شوية مسبات لكلاب اليمين. 
ما عدا هالواحد (طبعا). نادو عليه تيطلع على المنصة ما لاقوه. كنه كان عم بشرب قهوة برة (مشغول).

مش رايحين نذكر اسمو.  لأنو..... فهمكو كفاي.

http://news.walla.co.il/?w=/9/2654341

 
المرة الجاي لما توزع فتاواك بمواضيع الهروب والكراهية ، فكر شوي. 

لأنو المخفي اعظم. 

وصرلو زمان الحلو ما بان...

صيد الرقاطي

في محاوله منه لتسخيف ما يكتبه موقع "ليش هيك" ومن ثم تغيير الموضوع الاساسي والاهم ، يقوم وزير المقاطعات هذه الايام بمحاولات تهكم فاشلة المفعول: "هذا اللي طلع معكو بليش هيك؟ تحكو عن سندويشات؟"

لهذا السبب، وجدنا انه من المناسب التذكير وتوضيح الموضوع الاهم: أحداث وأحاديث وادي العطوات. فلقد تساءل الكثيرين من ابناء القرية عن فحوى ما حدث وقتها، وما دور وزير المقاطعات؟

تعلم مجموعة من الاشخاص، وبشكل مؤكد، بأن الوزير التقى ببعض الشباب عدة مرات ، على اثر مناقصة مدير قسم التعليم بالمجلس، وقام بتحريضها على ابو الجورج "وجماعتو" (طبعا تحريض سياسي يتخلله تفسيرات تحريضية دينية). كان جزء منهم شبيبة في مطلع العمر "دمهن حامي وبسرعة بثورو". على أمل ان يكسب بعض الاوراق السياسية من خلال استغلال المناقصة، نجح الوزير وقتها، بواسطة جلسات مكثفة وطويلة حتى الليل أحيانا، قسم منها كان في وادي العطوات والوديان المحيطة به (خصوصا بعد جولات صيد الرقاطي المشهورة)، أن يقنع هذه الشبيبة بتفسيراته وتحليلاته العوجاء.

وكما تعلمون، بعد اسبوع من نتائج المناقصة، تكسر المجلس، والمكتبة، واجزاء من المدرسة الابتدائية والقاعة الرياضية.

هناك اثباتات وشهادات لأشخاص سمعوا تحريضاته العنيفة، سوف نقوم بالحديث عنها في المستقبل.

لذلك يا حضرة الوزير، هذا كان أساس موضوع المقالة الاخيرة، وليس السندويشات.

ننصحك بأن تعترف بما فعلت قبل 3 سنين. والا سوف ننشر حقائق أخرى.

اعترف احسنلك.

طرق جديدة للربح

استمرارا لما كتب عنه الموقع مؤخرا، ألا وهي طرق الوصول الى السلطة عند وزير المقاطعات (غير طريقة التحريض الطائفي في بعض الحارات طبعا)، اليك عزيزي القارئ بعض المستجدات.

 قبل اسبوع أعلن الوزير في زيارة بيتية، انه يريد "بناء الانسان العيلبوني"  في حال انتصر بالانتخابات القادمة، وأن هذا هو شعاره الاساسي اليوم (صحيح ، لأنو مظلش مشاريع بناء لل"عمارات العيلبونية" تنو ينحكى عنها).

شو يعني الانسان العيلبوني؟ شو رايك أخي القارئ؟  بلكي تبعثولنا اقتراحاتكم.

 وما هي الطريقة الامثل لبناء الانسان العيلبوني يا حضرة وزير المقاطعات؟ المقاطعة مثلا؟  لأنك كنت المثال الشخصي الملهم والامثل لطريقة تنفيذ المقاطعة! أو كتابة منشاير على طريقة "تكسير الايادي" المشهور...

أو يعني مثلا بناء المدرسة الجديدة؟ ألا يبني هذا المشروع بالنهاية "الانسان العيلبوني" المفقود؟ أو بيت الشباب؟ والملاعب؟ ونادي المعاقين؟ والقسائم الجديدة على الابواب؟ وما شابه؟   

عارف شو، هاي نصيحة أخوية: أصول وقواعد الوعودات الانتخابية تقول انه عليك ان لا تعد الناس بشيء غير موجود. هذه أبسط القواعد، لأنك ان لم تتصرف وفقها، فأمامك احتمالين، لا ثالث لهما: سيشعر الكثيرين من ابناء القرية انك "تستهبلهم"، أو انهم سيشعرون ان كلامك فيه بعض "التخبيص".

وانو يعني مش صعب تدور على البيوت وتوزع وعودات بالتوظيف مثلها مثل الشكات الطاجة، وتستعمل المصطلحات الغامضة (مثل "الانسان العيلبوني"). مش راح يفيدك كثير. صدقنا.

وبما أننا سمعنا الكثير مؤخرا عن فشل هذه الطريقة من أناس سألوه هذا السؤال: "وين يعني بصرفوها هاي "الانسان العيلبوني"؟ يبدو أنه لم تبقى لديه طرق للوصول الى الكرسي الهزاز سوى ان يعد "اكم زعلان" من الذين لم يحصلوا  على كل "طلبياتهم" من المجلس الحالي. يعني، شي محامي هون، أو شي واحد بدش يدفع ارنونا وزعلان، لأنو بعدو مصدق كذب الادارات السابقة انو مش لازم يدفع اشي ("فش حاجة تدفع الارنونا، احنا منمحيلك اياها، ولا يهمك، بس تنساش تصوتلنا")... وما الى ذلك من افراد قلة قلائل. هذه المحبة الفجائية والموسمية تتطور أكثر وأكثر، لتتحول الى وسيلة للمتاجرة السياسية، عن طريق اظهار المحبة بين الطرفين (الواعد والموعود) علنا وأمام كل أفراد المجتمع. وهذا يشمل دائما الجلوس معا على نفس الطاولة بقاعة الافراح خلال الاعراس الصيفية، يتخللها رفع كاسات ويسكي لبعضهم البعض امام عيون ال 400 معزوم، أملا منهم ان يعترف المصوتون بهذا الحب الى الابد ... (تذكرو توقعاتنا: ب-23/10 بخلص هالحب المصلحجي وكأنو ما كان).

طريقة اخرى، عصرية ومتطورة، يلاحظها الشباب وهي الاستعمال المفرط لطريقة الفيس بوك. حسب هذه الطريقة، وزير المقاطعات يرى ان من واجبه أن يشارك في كل موضوع او ملاحظة يراها على الشاشة، فيعلق عليها بأية جملة سريعة ومناسبة، على أمل منه ان تزداد شعبيته بين الشباب. 

مثلا قبل شهر، واحد راح رحلة على جنين، كتبلو الوزير: "رحلة موفقة". انو يعني موفقة بئيش؟ بمشترى الخيار والبندورة يعني؟

أو واحد عمل ساندويش وحط صورة الساندويش على الفيس بوك، فرد عليه الوزير: "נראה טעים הםםםם, אני אצל השכן שלך אבו אחמד". 
طبعا الساندويشات غير مشمولة بحملة المقاطعة!

مش مصدقين موقع ليش هيك؟ طيب، وصلتنا هاي الصورة.

يعني مش بس استعمال مفرط، لأ استعمال بِـفَرط.

على كل حال هو حر، يوكل قديش ما بدو ساندويشات، الديموقراطية بتسمحلو. مش هذا المهم،  المهم انو نظل وراه عشان ما يحرضش بين اولاد البلد، مثل ما عمل بوادي العطوات قبل 3 سنين.

ما يثير حيرتنا ايضا هي قوة الاقناع التي لا زال يستطيع الوزير ان يؤثر بواستطها على بعض الافراد "المثقفين" و"الفهمانين"  بالبلد. ويجب الاعتراف هنا انه قادر على اقناعهم بأنه الافضل، وخصوصا هؤلاء الذين يوزعون المناشير معه بالقرب من مخبز عبدو.

عنجد بحير...

قبل اسبوعين سمعت هذا التفسير في شوارع البلد: هؤلاء الذين يدعون ان ابو الجورج فشل باداء وظيفته على ما يرام، ولم يخدم قريتنا، ولذلك "لازم نبدلو" بوزير المقاطعات، هم أصلا لا ينطقون بالحقيقة. لأن الحقيقة الاعمق هي ان قسم من الناس بالبلد مبنية ومتربية على التأييد الاعمى للحزب القطري على حساب مصلحة عيلبون. التصويت لمرشح الحزب (أيا كان) أصبح (وكما كان أيضا في الماضي) في قمة سلم الاولويات، فاذا خسر الحزب، ينتابهم الشعور الداخلي انهم سيخسرون الكثير (بخسرو المصداقية الحزبية القطرية وقت انتخابات الكنيست، والبعض طبعا بخسر مصالحو الاقتصادية الشخصية).

 التفسير حلو كثير، ويمكن يذكرنا بهالواحد، اسمو القذافي، كان معظم حكيو هبل، بس هيك مرات بتطلع معو جمل بتخلي الواحد يستنى شوي ويفكر (كنو الملعون سارقها من شي فيلسوف)، مثل هالجملة اللي بتوصف التعصب الحزبي:

 "الاحزاب السياسية القطرية هي قبائل القرن ال 20".

فكرو فيها، يمكن في منو الحكي على المستوى السياسي المحلي بعيلبون... واللي بقلك لأ، اطلب منو يفسرلك شو يعني "الانسان العيلبوني" هاي.

تشويه الحقيقة

  بعد انتظار طويل، وبعد جهد دام سنة كاملة، استطاع وزير المقاطعات ان يصبح، بطريقة ما، المرشح لرئاسة المجلس المحلي عيلبون.

نقول بطريقة ما لأن الكل يعرف الأسلوب الذي أوصله الى هذا الموقع.

ونقول بطريقة ما لأن موقع "ليش هيك" كان على دراية كاملة، ومنذ أشهر طويلة، بهذه الطريقة، كما لاحظت أخي القارئ.

وبما أن الكل يعرف "الطريقة"، فلنكتبها بعلنية: طريقة الدبسة. أو لنسميها "التهديد بالدبسة". وفهمكو كفاي....

                           

      

 --------

الان، لنبارك له هذا الترشيح، ولننتقل إلى وصف الإستراتيجية المحتملة للفوز بكرسي الرئاسة الأسود. فإضافة إلى استعمال الكلام التحريضي الذي تعودنا عليه (بما فيه التحريض الديني المستمر)، يقوم هذه الأيام حضرة وزير المقاطعات بتكذيب كل مشروع مستقبلي، سيقوم بتنفيذه المجلس عن قريب.

مثلا، قام هو ومجموعة المستشارين حوله بتكذيب الأخبار التي وردت هنا قبل سنة حول أقامة المدرسة الإعدادية. كل من فاتحه بالموضوع، سمع ما يلي:"تردش، فش لا مدرسة ولا بطيخ" أو "مستحيل تقوم مدرسة بهاي السرعة"... وعلى هالموال تنها الجرافات بلشت تغبر.

هذه طريقته في السياسة، وهي تخريب الجو العام في القرية، ونحن لسنا متفاجئين. معروفة دروب وزير المقاطعات منذ عشرين سنة.

الان أخي المواطن انتظر وسترى المزيد من تشويه الحقيقة في المشاريع القادمة.

بعث الينا بعض الشباب ببعض المعلومات التالية، سمعوها من أبو الجورج شخصيا:

خلال فترة قصيرة سيعلن عن بدء البناء لعمارة جديدة هي "بيت الشباب" (מרכז נוער) بمساحة 700 متر مربع، قرب المدرسة الجديدة، هدفه ايجاد الاطر التربوية المناسبة لشبابنا، خصوصا في ساعات ما بعد الظهر. ستشمل القاعة على طابق كامل من الغرف المجهزة للفعاليات المتنوعة. أما المفاجأة الكبرى فهي في الطابق العلوي: سيتم بناء قاعة سينما حديثة (אודיטוריום) تتسع ل 200 شخص!

وهاي كمان صار في عنا سينما بعيلبون!

طبعا، لوصف ردة فعل وزير المقاطعات عند سماع هذا الخبر، يكفي ان نعمل "كوبي + بيست" لما كتبناه أعلاه:  "تردش، فش بيت شباب ولا بطيخ"...

عيش وشوف، من هون ليوم الانتخابات.

------

 

حول المقالة الاخيرة:

لا بد ان لاحظت أخي المواطن تكرار استعمال هذه الجملة مؤخرا على يد بعض أعضاء مجموعة المنتفعين:

"نريد معركة انتخابية تخلو من الهجوم والتجريح الشخصي"

لقد ذكرت هذه الجملة في بيان ترشيح وزير المقاطعات، وكذلك يصر على ترديدها بعضهم من على صفحات الفيسبوك وما الى ذلك.

هل سألت نفسك لماذا؟ وما الهدف من هذه الجملة؟

نحن على كامل الاقتناع ان هذه هي ردة الفعل لكل شخص لا يدري كيف يرد على المقالة الاخيرة، وعلى الحقائق والمعلومات التي كتبت هناك.

فحتى أبو السحالي قال في خطابه ليلة الانتخابات: "دعوكم من بعض المواقع الالكترونية" ، واكتفى بذلك. أين الرد على "التجريح الشخصي" المزعوم؟ لا حياة لمن تنادي.

يعني كيف بقولو؟ זה המקסימים! 

  

فكلمة "دعوكم" التي قالها تعني عمليا: "لا تناقشوا" و "لا تفكروا" و "لا تقرأوا". باختصار، اسكتوا وصوتوا للي بدهن اياه "الكبار".

أذا ومنذ تلك اللحظة، عند كل محاولة لفتح نقاش ما، وحتى وان لم تستعمل به أية تجريحات شخصية، فأن سياسة المنتفعين السابقين ستكون التسكيت.

وكل انتقاد لطريقة ادارة المجلس بالماضي ستواجه بسلاح: "بلاش هجوم شخصي".

المصيبة أن البعض تعلم مبدأ "ضربني وبكى، سبقني واشتكى" منه: ينظـّر لنا أبو السحالي في خطاباته الديماغوغية (يومين قبل الانتخابات) ما يلي:

"طبعا، انتم تعرفون أن كل من لا يصوت للجبهة في عيلبون سببه أنه يكره الجبهة"!!

يا عيني على هالتنظير. يا عيني عليه.(طبعا، مع استعماله كلمة "طبعا")

اذا لم يكن ذلك تجريحا لكل شخص في عيلبون لم يصوت له، فما هو التجريح الشخصي اذا؟ 

كراهية؟ هاذا اللي طلع معك؟ المرة الجاي بلكي تلاقيلك تفسير ثاني.

شو رايك في هالأقتراح، يمكن أزبطلك: الكراهية هي لطريقة ادارة البلد، والكراهية هي لطريقة اتخاذ القرارات التي خلقت طبقة جديدة في المجتمع العيلبوني، اسمها طبقة "مجموعة المنتفعين". والكراهية هي لهذه التنظيرات أعلاه، والتي تقسم البلد الى طبقة "جيدة" (من يصوت لك) والى طبقات "كارهة وحاقدة".

علك تقرأ قليلا من فلسفة كارل ماركس (صراع الطبقات) حتى تفهم القصة بأكملها.

ويعني يا زُلُم التحريض والتقسيم، فكركو أهل البلد نسيت؟  ويا وزير المقاطعات، فكرك انو احنا مش عارفين بقعدات التحريض الطائفي تبعتك بوادي العطوات قبل 3 سنين (واللي من بعدها تكسر المجلس)؟

يبقى السؤال فقط: ليش هيك؟

و "عنا مواسم طائفية
بتغيب بترجع قوية ..."

-